وأحزانـي وكلّـي

أصيح صياح ماحي ٍ فطن لّـي

سعير النار مـن فينـا يطيقـه

أصيح صياح من شي ٍ حصلّـي

وشبتْ عقبه ضلوعي حريقـه

حبيبي حب له غيـري محلّـي

حقيقه حب له غيـري حقيقـه

ألا ياليـت ماعلمـه وصـلّـي

ولا هيج بي جـروح ٍ عتيقـه

قديم الجرح وأحزانـي وكلّـي

علاقـه حيـل تجمعنـا وثيقـه

أجامل وابتسم واضحك وانا اللّي

عيوني في بحر دمعي غريقـه

أنا اللي لا ذكـرت ايـام خلّـي

تزيد بحالتـي همـم ٍ وضيقـه

تجيني صورته لاقمـت اصلّـي

وطيفـه مـا يفارقنـي دقيقـه

أشوف الناس كل ٍ لـه مسلّـي

وانا لا لي صديق ولا صديقـه

وش آخذ من بحر حزني واخلّي

وغير الآاااه ما عندي رفيقـه

تناست في ظلال الغيـم ظلّـي

وظل الغيـم مايـروي لحيقـه

شحيـح الغيـم ماظنـه يهـلّ ِ

يبل لزاهـي الوجنـات ريقـه

وانا لا جيت ابنساهـا واعلّـي

جوابي جاوبـت ونّـه عميقـه

أقوم ان شفتها واقـف واهلّـي

تقل ماغيرهـا حولـي خليقـه

ألا يا ليت موتـي زايـر ٍ لّـي

قبل لا شوفها لغيـري عشيقـه